කොටි "බානු" මලවුන් අතරද?

ඊයේ සහ අද පැතිර ගිය ආරංචි අතර ත්‍රස්ත කොටි කර්නල් වරයෙකු ලෙස හැදින්වූ, කොටි නායකයෙකු වූ බානු නැමැත්තා මිය ගොස් ඇති බවද වෙයි. නමුදු අවාසනාවකට මෙම පුවත මේ වන විටත් සනාථ කොට ගෙන නොමැත. බානු නැමැත්තා, කොටි නායකත්වය විසින් ඉතා දුර්වල නායකයෙකු ලෙස කිහිපවතාවක් ම හංවඩු ගසා ඇත.

පසුගිය කාලයේ මල්ලව (මල්ලාවි) පෙදෙසෙන් ඉදිරියට ඇදෙන යුධ හමුදා සමඟ මුවාවැව (මාන්කුලම්) පෙදෙසෙහි පිලි-සටන් හි යෙදී සිටි ත්‍රස්ත කොටි බානු කොටියන් විසින් බිහි කළ අවම හැකියා ඇති නායකයෙකු වුවත් ඔහු ගේ වියෝව කොටින් ගේ දිරිය මොට කිරීමට බෙහෙවින් බල පෑ හැකි බැව් පැවසේ.

වන්නියට මානවවාදී සැපයීම්

වන්නියට ලැබෙන මානවවාදී සැපයීම් ශ්‍රී ලාංකික හමුදා විසින් හැවුරූ බව පුල්ලි වසා ගත් කොටි කියති. පසුගිය බදාදා හමුදාව විසින් මානවවාදී සැපයීම් රැගත් ලොරි 15ක් නැවත හරවා යැවූ බව කියන මොවුන්, ඒවා ඇතුලත අතරමං වුනු පිරිසට ලැබිය යුතු දේ බව පවසති. මෙතරම් අහිංසක සිවිල් වැසියන් ගැන ලත වෙන ත්‍රස්ත කොටි, ඔවුන්ට එම සැපයීම් ලෙහෙසියෙන් ලබාගත හැකි සාමකාමී පෙදෙස් වෙත නොඑවන්නේ ඇයි?
සතුරාගෙන් ම ආහාර සහ බෙහෙත් බඩු ලබාගෙන සටන් කරන නිර්ලැජ්ජිත කොටි, සිවිල් වැසින්ට කියා බෙහෙත් සහ ආහාර එකතු කරන්නේ ඉහඳ පණුවෝ මෙන් නොවෙත්ද?
සතුරාටත් කන්න බොන්න සහ බෙහෙත් දී සටන් කරන එකම හමුදාව, ශ්‍රී ලාංකික හමුදාවම විය යුතුය.

කොටියෝ, නොකා මැරුණු තිලීපන් සමරති

පිරබාහරන් කිසිවකු නොදන්නා හොර ගුහාවක සිට වසර 21කට පෙර නොකා මැරුණු තිලීපන් නැමැති කොටියා සිහිකළ බව සැලයි. මොහු නොකා මැරීම නිසා ම මෙකල නොකා නොබී මැරෙන්නට වුනු මිනිසුන් ගණන කොපමණද? හේ නොකා නොබී නොමැරී, පිරබාහරන් මැරුණා නම් කී දෙනෙකු බේරෙන්නට තිබුනා ද?